A Bela Auria V

 

Anuncio data Bela Auria 2014Ehem, ehem (aclarando a voz). Distinguidas donas, meus señores, cativas e pícaros da cidade. A Bela Auria Volta. Así con V maiúscula. A elegante, a xeitosa, a lucida, a amable, a esplendorosa Atenas de Galicia regresa no tempo por quinta vez. Teremos ocasión de revisitar a cidade de NÓS o vindeiro sábado 27 de setembro. Logo tomen nota e vaian remexendo no armario da naftalina na procura da chaqueta que mellor se axuste. Agardamos poder gozar da súa presenza. Despídense con moito cariño todas as belaurianas.

Fe de errratas

Marabillosa recepción de xente e medios á nosa proposta do Museo de Barrio.

No campo de fé de erratas, reseñar o noso aprecio pola difícil labor que fai o Museo Arqueolóxico de Ourense, institución que se nos esqueceu nomear como exemplo de Museo que investiga, divulga e conserva. E que a moitos de nós permitiunos iniciarnos no mundo da museografía e da museoloxía.

ÚLTIMA HORA: Cantos Contos Contas

Amigas e amigos da Bela Auria, temos unha nova de última hora que vos comunicar. A festa de hoxe sufre pequenas modificacións no seu programa. A Historia de Brancaflor substitúese por Cantos Contos Contas. Problemas de saúde do protagonista obrigan a facer este cambio. Pouca cousa, non vos preocupedes, pero suficiente como para poñer a saúde por diante do espectáculo. Así que a coidarse Fran. E seguimos adiante cun conto máxico que vos vai sorprender. A peques e tamén a maiores. Cantos Contos Contas da compañía Titereficciós. Unha viaxe máxica polo mundo dos contos. Vémonos hoxe no Liceo ás seis, coas vosas mellores galas!! cantoscontos

A Bela Auria Pequeniña – 26 de decembro en Ourense

bela auria pequeniña apaisado

Chega a Bela Auria Pequeniña. Unha festa histórica para pequenas e pequenos.

Xoves 26 de decembro. Liceo de Ourense. 18:00h

Unha festa na que podes vir vestido ao estilo da época dos anos 20 para gozar dun menú cultural e artístico moi especial. Coñeceremos como era un cinema clásico, onde a película non tiña son e había un pianista que interpretaba a banda sonora en directo. Tamén os magos e os contacontos tiñan un papel moi relevante, levándonos de viaxe coa imaxinación e sorprendéndonos cos máis abraiantes trucos. Por último, as festas eran un lugar de encontro e lecer para os pequenos e maiores. Abonda cun sorriso e gañas de mover a cadeira para pasar un día fantástico.

Cinema: Viaxe á Lúa e O Hotel Mecánico. Co piano de Irma Fernández Alonso.

Teatro e Maxia: A Historia de Brancaflor. Con Fran Rei Festa despedida con música e baile.

Prezo 5€ Prezo con obradoiros 15€ Entradas á venda no Liceo unha hora antes do comenzo do evento.

Obradoiros de traxes clásicos os días 23 e 24 de 10 a 13:30h. Obradoiros destinados á nenas e nenos de entre 8 e 12 anos. Límite de prazas 20. Inscríbete antes do 20 de decembro chamando ao 650 05 70 11 ou escribindo un correo a begogal@xeitura.com cos teus datos persoais e teléfono de contacto.

Chega A Bela Auria para nenos e nenas de todas as idades

En A Bela Auria, a nosa experta en didáctica (Begoña), xa vestiu os miudos de romanos, de castrexos, de exipcios ou de medievais, pero nunca os vestira de A Bela Auria. Chega a programación didáctica previa á nosa Bela, Auria e Miuda (26 de decembro no salón nobre do Liceo).

Obradoiros didácticos anos XX .Facendo a nosa propia roupa anos XX. 23, 24 de decembro, de 10 a 2. Pronto mais info.

Imaxe

Peliquín grafías e colaboración con Xeitura

Realizar un mapa da identidade cultural e patrimonial do Concello de Ourense a través da cartografía participativa.

Con este plantexamento na man, levaremos adiante diferentes actividades en diferentes barrios da cidade que permitan obter como resultado “unha lectura total de todos eles”. Algo que resultará de grande interese e utilidade non só para os habitantes da cidade, senón tamén noutros sectores como no eido investigador, o das administracións públicas e o turismo.

 

xeitura

Día de “Nós” 2013

O 30 de outubro cúmprense 94 anos da edición da revista Nós. E así contribuímos dende Ourense, e tamén dende A Bela Auria, xunto a outros amigos e amigas.

DÍA 29 DE OUTUBRO, ENCONTRO CÍVICO DA RÚA DA PAZ (antiga Rúa dos Zapateiros)

19.30 h. Encontro de antigos veciños maiores de 80 anos. Livraria Torga.
20.30 h. Paseo cívico pola rúa da Paz. 
21.30 h. “O feitizo das ruínas”. Xornada de portas abertas da casa natal-vital de Vicente Risco e R. Otero Pedrayo na rúa da Paz. Casa nº 21.
21.30 h. Convivio. Viño e petisco. Xentileza e servizo dos hostaleiros da rúa da Paz. Rúa da Paz

DÍA 30 DE OUTUBRO, “DÍA DE NÓS”

17,00 h. Acto festivo e ofrenda floral no cemeterio de san Francisco:
21,00 h. “LerNós”, coa colaboración de Iria Pinheiro, Celia Parra, Manuel Outeiriño e A RunRun Teatro.

A Bela Auria IV

collage bela auria

Que ledicia foi compartir este día todos xuntos. Que demostración de amor pola cidade de Ourense. Pola súa historia, pola súa cultura, pola súa tradición. Ese sentimento de orgullo de poder facer as cousas xuntos, sacar adiante un proxecto tan bonito no que participa tanta xente con tanto traballo desinteresado. Ese é o espírito da Bela Auria. Que por moitos anos dure.

Cartel e programa de A Bela Auria 2013

bras cartel 130827.cdrPrograma A Bela Auria 2013
Xardín do Posío

10:00h Tweed Ride Ourense – IV Paseo Bicipatrimonial
11:45h Inauguración da Bela Auria IV. Apertura do mercadiño
12:00h II BIComun: visita comentada ao Xardín do Posío
12:00 h Expos “Memoria de La Molinera”e “Historia dos Nenos”
12:30h Animación musical e os cabezudos da Esmorga
13:15h Concerto do Sonoro Maxín.
14:15h Xantar Popular. Empanada e lacón. 6 €
16:30h Obradoiros
-Obradoiro infantil de arqueoloxía
-Obradoiro xogos populares
-Obradoiro de esgrima antigo
-Obradoiro de contrución de xogos artesáns.
-Contacontos Os Graxos das Burgas
19:00h Grande actuación da Orquestra Os Modernos

Praza de san Marcial

22:00h Cinema clásico: Liberty de Laurel & Hardy. Co Cineclube Padre Feijoo e o piano de Irma Fernández
22:30h Obradoiro de Lindy Hop. Con Lindy Hop Bueu
23:00h Concerto de Mary´s Swing Band
00:30h Fin de festa Dj´s de época

 

Encántanos a sombrerería La Lucha

sombrererialaluchaGozamos con ese Ourense que viaxa no tempo, que percorre os anos para chegar fresco e moderno aos nosos días. Por iso é un pracer ter compañeiros de ruta como a sombrerería La Lucha. Porque son históricos e completamente contemporáneos. Así é A Bela Auria. Unha festa histórica que nos leva case 100 anos atrás, ao tempo das ourensás vivas, activas, con maxia nos ollos, elegantes tan só cun sombreiro. Por iso, se mercades durante estes días na tenda da Rúa das Tendas 3, aberta dende o 1917, teredes descontos especiais.

Xa se respira aroma de festa histórica na cidade.

A Bela Auria 2013 o 21 de setembro

ImaxeA Bela Auria regresará o vindeiro 21 de setembro coa súa oferta cultural e gratuíta. Apostamos por seguir o noso camiño, desta vez acompañados por novos colectivos e polo empresariado cultural e ambiental da cidade que decidiron formar parte activa deste proxecto.

Unha tweed ride, un bicomún, visitas guiadas aos legados culturais e ambientais da contorna do Posío, música, cinemaexposicións, teatro e música misturaranse todo o sábado durante 16 horas de recreación dos mellores anos da cultura ourensá.

Nuns días daremos a coñecer a programación íntegra desta nova edición da Bela Auria.

Xeitura manda a pelota ao noso tellado

Despois da colaboración nos obradoiros de Semana Santa, pouco tardaron dende Xeitura en devolver a pelota a noso tellado e o de Sopanen@s. Fantástico traballo de xestión dos recursos culturais.

Aceptamos o reto. A seguinte ronda, de seguro, pagámola nós:

PROGRAMA CELEBRACIÓN DO DÍA INTERNACIONAL DOS MONUMENTOS

Longa vida os monumentos, longa vida á colaboración patrimonial.

LUGAR: Facultade de Historia de Ourense
12:00 _ Presentación do Concurso Fotográfico: Dálle vida ao patrimonio. Bases en http://historiaourense.blogspot.com.es/

LUGAR: BiblioCafé La habitación de Niña Caracol (Parque As Mercedes)
16:00 – 16:30 _ Proxección vídeo: Santomé. Conxunto Arqueolóxico e Natural .
16:30 – 17:00 _ Desprazamento en coches particulares ata o Castro de Santomé.

LUGAR: Castro de Santomé
17:00 – 19:00 _ Santomé para nen@s. Obradoiros didácticos con Begoña Garrido de Sopanen@s Lecer Educativo.
19:00 – 20:00 _ HAPPY SPEAKING HOUR. Non importa o nivel que teñas. Practica o teu inglés nun ambiente informal único: o castro de Santomé. Actividade coordinada pola academia A-prueba Valle Inclán Estudios
20:00 – 21:30 _ Paseo Interpretativo no solpor ao conxunto patrimonial da man de Xeitura / Xestión Integral do Patrimonio Cultural e Bilurico Medio Ambiente – Bilurico Bike
22:00 _ Lendas contadas polos veciños e petisco cortesía da organización.
Santomé Cr10_MG_9157